Մարտի 23-ին, ժամը 09.10-ին ահազանգ է ստացվել, որ մերկասառույցի հետեւանքով Երեւան-Մեղրի ավտոճանապարհի «Զանգեր» կոչվող հատվածում արգելափակվել է 10 ավտոմեքենա:
Հայաստանի ԱԻՆ փրկարար ծառայությունից NEWS.am-ին հայտնում են, որ ահազանգի մասին հաղորդվել է «Վայքի ՃՇՇ»-ին, որի աշխատակիցների ուժերով ճանապարհի երթեւեկելի մաս է դուրս բերվել 10 ավտոմեքենա, որոնց մեջ եղել է 30 ուղեւոր:
Նույն օրը, ժամը 20.26-ին ահազանգ է ստացվել, որ Քարվաճառ-Սոթք ավտոճանապարհին մեկասառույցի հետեւանքով արգելափակվել է 6 ավտոմեքենա:
Մոտակա զորամասերից մեկի տրամադրած տեխնիկայի շնորհիվ ճանապարհի երթեւեկելի մաս է դուրս բերվել հինգ ավտոմեքենա:
