Ֆրանսիական Մոնտոբանում «թուլուզյան հրաձիգի» կողմից սպանված կապրալ Աբել Շենուֆի հղի ընկերուհուն թույլատրել են հետմահու ամուսնանալ նրա հետ:
Ֆրանսիայի նախագահ Նիկոլա Սարկոզին թույլատրել է հետմահու ամուսնությունը` ֆրանսիական օրենսդրությանը համապատասխան, որը թույլ է տալիս հատուկ հանգամանքներում նման ամուսնություններ գրանցել, հաղորդում է BBC-ի ռուսական ծառայությունը:
Հետմահու ամուսնությունների պատճառը հղի հարսնացուների երեխաների օրինականացումն է:
Հիշեցնենք, «թուլուզյան հրաձիգ» Մոհամեդ Մերան, որն իրեն մեղավոր է ճանաչել զինվորի եւ եւս վեց մարդու սպանության մեջ, սպանվել է հատուկ նշանակության ուժերի աշխատակիցների կողմից` մարտի 22-ի գրոհի ընթացքում:
