Հարավային Օսիայի նախագահի նախկին թեկնածու Ալլա Ջիոեւան դուրս է գրվել Ցխինվալի հիվանդանոցից, որտեղ գտնվում էր փետրվարի սկզբին իր նախընտրական շտաբի վրա կատարված հարձակումից հետո: Այս մասին «Ինտերֆաքսին» հաղորդել են հիվանդանոցում` նշելով, որ Ալլա Ալեքսեեւնան իրեն լավ է զգում, նրա բուժումն ավարտված է:
Հիվանդանոցից դուրս գալիս Ա. Ջիոեւային դիմադրել է Հարավային Օսիայի նախագահի պաշտոնակատարի խորհրդական Ջեմալ Ջիգկաեւը:
Իր հերթին հանրապետության իրավապահ մարմինների աղբյուրը հաղորդել է, որ հիվանդանոցից դուրս գրվելուց հետո Ա. Ջիոեւան կուղեւորվի տուն, եւ ոչ ոք նրան չի ուշացրել:
Այսօր ավելի վաղ Ջիոեւան գործակալության հետ զրույցում պատրաստակամություն է հայտնել իր ուժերը վատնել եւ աշխատել Հարավային Օսիայի նոր կառավարությունում, եթե տեսնի, որ նոր նախագահի աշխատաոճը համապատասխանում է իր սկզբունքներին: Քաղաքական գործիչը նաեւ նշել է, որ առայժմ որոշում չի կայացրել` քվեարկելու է Հարավային Օսիայի նախագահական ընտրություններում, թե ոչ:
Հիշեցնենք, որ Ջիոեւան, որն ըստ անվավեր ճանաչված ընտրությունների արդյունքների առաջատարն էր, պատրաստվում էր իր երդման արարողությունն անցկացնել, քանի որ չէր ընդունում նշանակված նոր ընտրությունները եւ իրեն համարում էր ընտրված նախագահ:
Սակայն դրանից հետո հանրապետական դատախազությունը Ջիոեւային մեղադրել էր պետական հեղաշրջման փորձի մեջ: Քննիչները գրասենյակ էին ժամանել ինքնաձիգներով զինվածների հետ: Ընդդիմադրի կողմնակիցները պատմել են, որ հարձակման ընթացքում Ջիոեւան ինքնաձիգի կոթով գլխին հարված է ստացել, որից հետո հայտնվել է հիվանդանոցում:
2011 թվականի աշնանը Հարավային Օսիայում այդպես էլ չէր հաջողվել նախագահ ընտրել: Հանրապետության Գերագույն դատարանն ընտրությունների արդյունքներն անվավեր էր ճանաչել դրանց ընթացքում եղած խախտումերի հետեւանքով: Խորհրդարանը նոր նտրություններ էր նշանակել 2012 թվականի մարտի 25-ին:
