Հանրահայտ հոլիվուդյան ռեժիսոր Ջեյմս Քեմերոնը հաջողությամբ փորձարկել է այն սարքը, որով պատրաստվում է սուզվել Մարիանյան խորշ:
Մարտի 24-ին Ջեյմս Քեմերոնը մասնագետների խմբի հետ ուղեւորվել է Գուամ` առաջիկայում իր սեփական բատիսկաֆով սուզվելու համար, տեղեկացնում է «ՌԻԱ Նովոստին»:
Ռեժիսորը մտադիր է միտեղանոց Deepsea Challenger բատիսկաֆով սուզվել Չելենջերի վիհը (որը խորշի ամենախորը մասն է` մոտ 11 կմ նիշով): Այն հատուկ Քեմերոնի պատվերով պատրաստել են Ավստրալիայում:
Ենթադրվում է, որ գիտական նպատակով սարքը Չելենջերի վիհից կվերցնի նստվածքային ապարների, ջրի, ինչպես նաեւ կենդանի օրգանիզմների նմուշներ: Վիհի խորքում արված կադրերը կցուցադրվեն National Geographic-ի հետ համատեղ գիտաճանաչողական ֆիլմում: