Տղամարդկանց ճաղատության հիմնական պատճառը գլխի մաշկի մեջ հատուկ պրոտեինի ավելցուկն է:
Ինչպես հաղորդում է «ՌԻԱ Նովոստին»` վկայակոչելով «MedPage Today»-ին, Փենսիլվանիայի համալսարանի գիտնականները ուսումնասիրել են թե մարդկանց, թե մկների ֆոլիկուլները: Այն մկները, որոնց օրգանիզմում նշված պրոտեինի` D2 պրոստագլանդինի մակարդակը բարձր է եղել, նրանց մոտ բուրդը չի աճել: Ավելին, կրծողներին պատվաստված մարդկային մազերն այդ պրոտեինի ներարկման դեպքում դադարել են աճել:
Գիտափորձը ցույց է տվել, որ եթե պրոստագլանդինի մակարդակը բարձր է, մաշկի այդ հատվածում առանց մազի տարածություն է լինում:
Նշվում է, որ ամերիկացի հետազոտողների գիտական աշխատանքի հիման վրա արդեն համապատասխան դեղամիջոց է պատրաստվում:
