Իտալիայի Բոլոնիա քաղաքում մարտի 19-22-ին անցկացվել է մանկական գրքի միջազգային 49-րդ ցուցահանդեսը, որին Հայաստանը առանձին տաղավարով մասնակցել է առաջին անգամ:
Աշխարհի 66 երկրների շարքում հայ հրատարակիչները, գրողներն ու գրավաճառները հեղինակավոր այդ տոնավաճառում ներկայացրել են Հայաստանում տպագրված շուրջ 250 անուն մանկական գրականություն, հանդիպումներ են ունեցել արտերկրի իրենց գործընկերների հետ, հանդես են եկել շնորհանդեսներով: Ներկայացվել են «Հայ գրատպության 500 ամյակ» եւ «Երեւանը գրքի 2012 թ. Մայրաքաղաք» ծրագրերը, կայացել է «Մանկական գրականություը Հայաստանում» թեմայով շնորհանդեսը, ինչպես նաեւ ներկայացվել են մանկագիր Նունե Սարգսյանի գրքերը:
