Սենեգալում մարտի 26-ին, Երեւանի ժամանակով ժամը 1-ին ավարտվել է նախագահական ընտրությունների երկրորդ փուլը: Նախնական տվյալների մասին առայժմ ոչինչ հայտնի չէ:
Դիտորդները նշում են, որ քվեարկությունը հանգիստ է անցել:
Ինչպես ավելի վաղ հայտնել էր NEWS.am-ը, Սենեգալում նախագահական ընտրությունների երկրորդ փուլն է անցկացվում: Ննախագահի պաշտոնի համար պայքարում էին գործող նախագահ Աբդուլա Վադը եւ նախկին վարչապետ, ընդդիմության թեկնածու Մակի Սելը:
Նախագահական ընտրությունների առաջին փուլը տեղի էր ունեցել փետրվարի 26 -ին: Այդ ժամանակ նախագահի պաշտոնի համար պայքարում էր 14 թեկնածու:
Նշենք, որ գործող նախագահ Աբդուլա Վադն առաջադրվում է երրորդ անգամ անընդմեջ: