Սենեգալի գործող նախագահ 85-ամյա Աբդուլայ Վադը, որն առաջադրվել էր երրորդ ժամկետին, ի հեճուկս երկրի Սահմանադրության, ընդունել է նախագահական ընտրությունների երկրորդ փուլում իր պարտությունը:
Սենեգալյան լրատվամիջոցները հայտնում են, որ Վադը զանգել է 50-ամյա նախկին վարչապետ, «Դաշինք հանուն հանրապետության» կուսակցության հիմնադիր եւ ստեղծող Մակի Սելիին եւ շնորհավորել է նրան հաղթանակի առթիվ, հայտնում է «Ռոսբալտը»:
Երկրորդ փուլի ճշգրիտ արդյունքները դեռեւս հայտնի չեն: Առաջին փուլում, որը տեղի էր ունեցել փետրվարի 26-ին, Վադին աջակցել են քվեարկողների 34,8%-ը, իսկ Սելային` 26,6%-ը: Սենեգալի նախագահի ընտրությունների վերջնական արդյունքները հայտնի կդառնան մարտի 27-28-ը:
Որպեսզի տոնեն իրենց թեկնածուի հաղթանակը, Դաքարում Մակի Սելայի նախընտրական քարոզարշավի գրասենյակի առջեւ հավաքվել էին նրա հազարավոր համախոհներ: