«1-03» ծառայությունից մարտի 24-ին տեղեկություն է ստացվել, որ Երեւանի Հերացիի 22 շենքի 20-րդ բնակարանից ահազանգ է ստացվել, սակայն բնակիչը վատառողջ է եւ չի կարողանում բացել բնակարանի դուռը:
Հայաստանի ԱԻՆ փրկարար ծառայությունից NEWS.am-ին հայտնում են, որ դեպքի վայր են մեկնել հատուկ փրկարարական վարչության հերթապահ եւ ՃԿԿ օպերատիվ խմբերը:
Նախքան փրկարարների ժամանումը՝ բնակարանի դուռը տեղի ուժերով բացվել է եւ ներսում հայտնաբերվել 82-ամյա Արսենյա Բախտիարյանը` անօգնական վիճակում:
Փրկարարները տուժածին 2-րդ հարկից պատգարակով իջեցրել են եւ հանձնել «1-03» ծառայության աշխատակիցներին: