Սյունիքի մարզում, մարտի 26-ից ապրիլի 2-ը, Գորիսում կանցկացվի «Մանկապատանեկան գրքի շաբաթ» ամենամյա ավանդական միջոցառումը:
Մշակույթի նախարարության մամուլի ծառայությունից NEWS.am-ին հայտնում են, որ միջոցառմանը մասնակցելու համար ՀՀ մշակույթի նախարարության աջակցությամբ Գորիս է մեկնել Հայաստանի գրողների պատվիրակությունը /Սուրեն Մուրադյան, Երվանդ Պետրոսյան, Լիպարիտ Սարգսյան, Անուշ Վարդանյան, Լյուդվիգ Կարապետյան, Սաթենիկ Ղազարյան/` ՀԳՄ նախագահ Լեւոն Անանյանի գլխավորությամբ: Նախատեսված են գրական հանդիպումներ, մանկական ստեղծագործությունների քննարկումներ եւ այլն:
Միջոցառման շրջանակներում Գորիսի դպրոցներին եւ գրադարաններին կնվիրվեն պետական պատվերով եւ աջակցությամբ հրատարակված մանկական եւ գեղարվեստական գրականություն:
