Պակիստանում մտադիր են մեղադրանք առաջադրել Ուսամա բեն Լադենի երեք կանանց եւ երկու չափահաս դուստրերին:
Ինչպես հաղորդում է «Ռոսբալտը», բոլոր 5 կանայք, այսօր` մարտի 26-ին, արդեն ստացել են մեղադրական եզրակացության պատճենները:
Սպասվում է, որ դատարանը նրանց նկատմամբ մեղադրանք կառադաջրի ապրիլի 2-ին: Առավելագույն պատիժը, որը կարող է սպառնալ նրանց, 5 տարվա ազատազրկումն է:
Նշենք, որ կանայք կալանքի տակ են Պակիստանում նախորդ տարվա մայիսից:
Ավելի վաղ NEWS.am-ը հայտնել էր, որ Պակիստանի իշխանությունները ամերիկացիների կողմից սպանված թիվ մեկ ահաբեկիչ Ուսամա Բեն-Լադենի 3 այրիներին մեղադրել են երկրում ապօրինի գտնվելու մեջ:
Հիշեցնենք, որ Բեն-Լադենի մահից հետո պարզ էր դարձել, որ նա վերջին տարիներին ապրել էր Պակիստանում` իր կանանց ու 8 երեխաների հետ: Նրանք բոլորը Պակիստան են այցելել առանց վիզայի եւ երկրում գտնվել ապօրինի:
