Շիրակի մարզի Ախուրյան գյուղում հրդեհվել է բնակիչներից մեկի տան տանիքը:
Ոստիկանության մամուլի ծառայությունից NEWS.am-ին հայտնում են, որ հրդեհը մարվել էր մարտական 2 հաշվարկի ուժերով:
Հրդեհի հետեւանքով այրվել է 170 քմ մակերեսով տան տանիքը, որի հետեւանքով տանտիրոջը պատճառվել է 5 մլն դրամի նյութական վնաս:
Հրդեհի առաջացման պատճառները պարզվում են:
Հետաքննությունը վարում է Հայաստանի ԱԻՆ Շիրակի մարզի հրդեհային տեսչությունը:
