«Ազատ դեմոկրատներ» կուսակցության փոխնախագահ Անուշ Սեդրակյանի էշը խռուստալից է: Այս մասին, այսօր` մարտի 27-ին, մամուլի ասուլիսում բանավեճի ընթացքում ասաց ՀՀԿ խմբակցության պատգամավոր Վարդան Այվազյանը, երբ Անուշ Սեդրակյանը նրա հետ բանավիճում էր բյուջեի շուրջ:
«Շատ գեղեցիկ խոսելու համար ինձ շատ հաճելի է Ձեզ հետ խոսելը: Զուտ գեղեցկության առումով, բայց ոչ բովանդակային»,- ավելացրեց Վարդան Այվազյանը:
Անուշ Սեդրակյանը շրջանցելով իր անձի թեման, հարց ուղղեց, թե հիմա ԲՀԿ-ն, որը լուրջ քննադատության ենթարկեց իշխանությունների կողմից վարվող քաղաքականությունը, գո՞հ է իրենց գործունեությունից, ինչին ի պատասխան Վարդան Այվազյանն ասաց. ««Դա ԲՀԿ-ին կասեք: Քաղաքական դաշտում հստակ վարքագիծ եմ ակնկալում, եթե դժգոհ են կոալիցիայից` դուրս են գալիս: Գոյություն ունի հստակ վարքագիծ եւ խոսք ու գործ հասկացողություն»:
