Ռուսաստանի եւ ԱՄՆ-ի նախագահներ Դմիտրի Մեդվեդեւի եւ Բարաք Օբամայի սեուլյան հանդիպման ընթացքում, որը մամուլի համար նախատեսված չէր, զրույցի մի հատված միացված բարձրախոսների պատճառով լսելի է դարձել լրագրողներին:
Նախագահները միացված բարձրախոսի առկայությամբ սկսել են զրույցը նախքան մամուլի ասուլիսը: Մասնավորապես, Օբաման Մեդվեդեւին ասել է, որ ընտրություններից հետո Եվրոպայում ՀՀՊ համակարգի տեղակայման հարցում Ռուսաստանի հետ համագործակցելու ավելի մեծ հնարավորություններ կունենա:
Ինչպես հաղորդում են ռուսական լրատվամիջոցները, լրագրողները լսել են հետեւյալը. «Բոլոր հարցերը, հատկապես հակահրթիռային պաշտպանության, կարելի է լուծել: Բայց կարեւոր է, որպեսզի նա ինձ տարածության հատկացնի», - ասել է Օբաման: «Այո, հասկանում եմ: Հասկանում եմ տարածքի մասին ձեր հաղորդագրությունը (մանեւրի համար): Տարածություն ձեզ համար», - պատասխանել է Մեդվեդեւը:
Օբաման հավելել է. «Սա իմ վերջին ընտրություններն են: Ընտրություններից հետո ես կարող եմ ավելի ճկուն լինել»: «Ես հասկանում եմ: Ես այդ տեղեկությունը կփոխանցեմ Վլադիմիրին (Պուտինին)», - պատասխանել է Մեդվեդեւը:
Այս հայտարարության հետ կապված ամերիկյան նախագահի հասցեին հանրապետականների կողմից անմիջապես խիստ քնադատություներ հնչեցին եւ մեղադրանքներ ազգային շահերը դավաճանելու մեջ: Ավելի ուշ ԱՄՆ-ի նախագահն ստիպված եղավ պնդել ՀՀՊ համակարգի քննարկումները հետաձգելու անհրաժեշտության մասին իր խոսքերը, որոնք ասվել էին Դմիտրի Մեդվեդեւի հետ հանդիպման ընթացքում:
Ինչպես տեղեկացնում է «ՌԻԱ Նովոստին», Ռուսաստանի նախագահ Դմիտրի Մեդվեդեւի «Վլադիմիրին» բառը, որը մասն է «Ես կփոխանցեմ Վլադիմիրին» արտահայտության, մարտի 27-ի կեսօրին մի քանի տասնյակ րոպե հայտնվել է միկրոբլոգների Twitter ծառայության համաշխարհային թրենդներում: