«Associated Press» գործակալության վետերան Ռոյ Էսոյանը ծնվել է ճապանական ձկնորսական գյուղակում, երբ նա ընտանիքը 1919 թ. տեղափոխվել է Ռուսաստանում բոլշեւիկյան հեղափոխությունից հետո: Գրեթե չորս տասնամյակ անց նա մեկնել է Խորհրդային Միություն` որպես ամերիկացի լրագրող, գրում է «Asbarez»-ը` վկայակոչելով «Associated Press»-ին:
Սակայն Նիկիտա Խրուշչովի եւ կոմունիստական այլ լիդերների հետ նրա բարեկամական հանդիպումներից երեք տարի անց նրա արկածները` որպես «Associated Press»-ի թղթակից, հանկարծակի ավարտվում են: 1958թ-ին նա վտարվել է երկրից` ԽՍՀՄ-ի եւ Չինաստանի միջեւ հարաբերությունների լուրջ խզման մասին հաղորդելու համար:
ԱԳՆ-ն դա համարել է «խորհրդային գրաքննության կոպիտ խախտում», սակայն Էսոյանը հաղորդել է այն, ինչ դիվանագիտական լեզվով կոչվում է «խորհրդա-չինական ճեղքում», եւ դրանով վաստակել Մոսկվայից արտաքսման տոմս:
Հոնկոնգում Էսոյանը շարունակել է իր կարիերան, ճանապարհորդելով ողջ աշխարհում, կանգ առանելով Կահիրեում, Բեյրութում, եւ, վերջապես, Տոկիոյում: 1985 թ-ին նա անցել է թոշակի եւ մեկնել է Հավայան կղզիներ, որտեղ էլ հինգշաբթի մահացել է 92 տարեկան հասակում:
Խաղաղության կորպուսի նալկին կամավոր Ջեյմս Աբրամսը, ով 1979թ-ին Տոկիոյում միացել է «Associated Press»-ին, Էսոյանին հիշում է որպես «բոլորի ուսուցիչ»: «Բոլորը, ճապոնական թերթերի ղեկավարներից մինչեւ երիտասարդ լրագրողները, ովքեր ուսանում էին նրա մոտ, վարակվում էին նրա անկեղծ ծիծաղով եւ կենսուրախությամբ»,-ասել է Աբրամսը: