Մարտի 27 -ին Կոտ դ` Իվուարում ճանապարհատրանսպորտային խոշոր պատահարի զոհ է դարձել առնվազն 36 մարդ:
Ինչպես հաղորդում է Agence Franse-Presse-ը, միջադեպը տեղի է ունեցել երկրի կենտրոնական մասում` Բուակե քաղաքի մոտ: Բուակեից Բուրկինա Ֆասո ուղեւորվող ավտոբուսի անվադողը վնասվել է, վարորդը կորցրել է կառավարումը, եւ այն ճակատ ճակատի բախվել է մյուս ավտոբուսին:
Նշվում է, որ տասնյակ մարդիկ վիրավորվել են, նրանցից մի քանիսը ծանր վիճակում են: Զոհերի թիվը կարող է ավելանալ: Տուժածների մեծ մասը Բուրկինա Ֆասոյի բնակիչներ են: