Լեռնային Ղարաբաղի Հանրապետության Ազգային ժողովը մարտի 29-ի լիագումար նիստին կհրապարակի նախագահական հերթական ընտրությունների ամսաթիվը:
Ինչպես NEWS.am-ին հայտնեցին ԼՂՀ-ի խոհրդարանի մամլո ծառայությունից, նախօրեին ղարաբաղյան խորհրդարանի խոսնակ Աշոտ Ղուլյանի մոտ կայացած աշխատանքային հանդիպման ընթացքում քննարկվել էր սպասվելիք նիստի օրակարգը:
ԼՂՀ-ի խորհրդարանի փոխխոսնակ Արթուր Թովմասյանը հանդես է եկել մարտի 12-ին Աբխազիայում կայացած խորհրդարանական ընտրություններում իր ղեկավարած պատվիրակության դիտորդական առաքելության մասին ելույթով:
Կայանալիք նիստի ժամանակ նախատեսվում է վերանայել 7 օրինագիծ: Մասնավորապես, փոփոխություններ կմտցվեն ԼՂՀ-ի «Քաղաքացիական ծառայության մասին», «Բժշկական օգնության եւ բնակչության սպասարկման մասին», «Ճանապարհային երթեւեկության անվտանգության ապահովման մասին» օրենքներում:
Առաջին ընթերցման նիստում կներկայացվի «ԼՂՀ-ի պետական սեփականություն ճանաչված եւ օտարման ոչ ենթակա պատմամշակութային անշարժ հուշարձանների մասին¬» օրինագիծը, իսկ երկրորդ ընթերցմանը կներկայացվի ԼՂՀ-ի Ընտանեկան օրենսգրքի նախագիծը: