Ուկրաինայի դատախազական մարմինները, «Ուկրաինայի միասնական էներգահամակարգեր» կորպորացիայի գործունեությանը վերաբերող քրգործի շրջանակներում հայց են ներկայացրել Յուլյա Տիմոշենկոյի դեմ` 19,5 մլն գրիվենի (2,4 մլն դոլար) փոխհատուցման չափով: Այս մասին, այսօր` մարտի 28-ին, Կիեւում կայացած բրիֆինգում հայտնել է Ուկրաինայի գլխավոր դատախազի տեղակալ Եվգենի Բլաժիվսկին:
Նրա ներկայացմամբ, այսօր Յուլյա Տիմոշենկոն եւ նրա պաշտպանները ավարտել են գործին ծանոթանալը: Բլաժիվսկիի խոսքով, այս քրգործով խոսքը բյուջետային միջոցների հափշտակման եւ հարկերից խուսափելու մասին է: «Հասկանալի լինելու համար նշեմ, որ հափշտակված գումարը հավասար է 600 հազար թոշակառուների նվազագույն կենսաթոշակների գումարին»,-ասել է Բլաժիվսկին, հաղորդում է «ՈՒՆԻԱՆ»-ը:
