News
Լրահոս
News
Երեքշաբթի
Մարտ 19
Տեսնել լրահոսը

Հայաստանի նախկին վարչապետ Հրանտ Բագրատյանը հայտարարում է, որ իր անունից եւ իր էլեկտրոնային փոստի հասցեից լրատվամիջոցներին ուղարկված Ո՞վ է իրական մեղավորը, կամ բաց նամակ 4» վերտառությամբ բաց-նամակի հեղինակն ինքը չէ եւ նամակը «բլեֆ» է:

Նշենք, որ Բագրատյանը ներկա պահին գտնվում է Կիեւում:

Նա այս կապակցությամբ Facebook-ի իր էջում գրել է. «Hetq-ում կարդացի նամակ 4-ը։ Ապշած եմ։ Նամակ 4 չի եղել։ Հետքում ասում են իմ մեյլից է։ Ինչի՞ են հասել ուրեմն մարդիկ, որ մեյլը ջարդում են եւ մտնում են նման բան անելու։ Ես սա հասկանում եմ որպես իշխանությունների պատասխան իմ 3 նամակներին։ Էս ո՞ւր եք հասել։ Վայ քեզ Հայաստան։

Հրանտ Բագրատյան, Կիեւ, 28 մարտի»։

«Ես չեմ կարող ասել, թե ով է եւ ինչպես է արվել, սակայն ես տեսնում եմ իշխանության ձեռագիրը»,- «Ա1+»-ին ասել է Բագրատյանը, հավելելով, որ որ սա միայն ենթադրությունն է։ Նրա խոսքով, եթե այսօր իշխանությունները եւ ԱԱԾ-ն պաշտոնապես հայտարարեն, որ այս նամակի հետ կապ չունեն, ապա ինքը կընդունի ի գիտություն։

Ու քանի դեռ պաշտոնական հայտարարություն չի եղել, Հրանտ Բագրատյանը, որը այս պահին Հայաստանում չէ, «A1+»-ի միջոցով դիմում է ՀՀ իշխանություններին եւ գլխավոր դատախազությանը՝ պարզել, թե ով է այդ նամակի հեղինակը։

Նշենք, որ «բաց նամակը» լի է Հայ ազգային Կոնգրեսի, Լեւոն Տեր-Պետրոսյանի եւ Վանո Վանո Սիրադեղյանի հասցեին քննադատություններով:

!
Այս նյութը հասանելի է նաև   English
Տպել
Ամենաշատ