Բուրունդիում գտնվել է երկարամատ Cardioglossa cyaneospila տեսակի գորտ, որն անհետացել էր 62 տարի առաջ:
Ինչպես տեղեկացնում է Lenta.ru-ն, հաջողությունը ժպտացել է Քալիֆորնիայի գիտությունների ակադեմիայի եւ Թեքսասի համալսարանի գիտնականներին: Դեւիդ Բլեքբերնը եւ Էլի Գրինբաումը 2011թ. տեղի կենդանական աշխարհին ծանոթանալու նպատակով աշխատում էին Բուրունդիում, որտեղ վերջին անգամ վաթսուն տարի առաջ էին ուսումնասիրություններ կատարվել:
Արշավախումբը գտնվել է Բուրունդիի մայրաքաղաք Բուժումբուրիից հարավ ընկած Bururi Forest Reserve արգելոցում, որտեղ առ այսօր կենդանիների հազվագյուտ տեսակներ կան:
Գիտնականները նշում են, որ թեեւ հաջողվել է նման տեսակի ընդամենը մեկ նմուշ գտնել, իրենք մի քանի գիշեր շարունակ լսել են այդ գորտերի ձայնը: