Ճապոնիայում մեկ օրում երեք մահապատիժ է ի կատար ածվել. մարտի 29-ի առավոտյան երեք տարբեր բանտերում կախաղան են բարձրացվել երեք մարդասպաններ: Ճապոնական լրատվամիջոցները նշում են , որ մահապատիժն իրականացվել է 20 ամսվա ընթացքում առաջին անգամ:
Մահապատժի ենթարկվածներից մեկը 1999 թվականին երկաթգծի կայարանում սպանել էր 5 մարդու, հայտնում է AP-ը:
Ճապոնիայի արդարադատության նախարարությունում հրաժարվել են հաստատաել մահապատժի մասին տեղեկությունը: Սպասվում է, որ այսօր ավելի ուշ գերատեսչության ղեկավարը մամլո ասուլիս կտա:
Վերջին անգամ Ճապոնիայում մահապատիժ են կիրառել 2010 թվականի հուլիսին: Այն ժամանակ կախել էին երկու հանցագործի, որոնցից մեկն սպանել էր 6 մարդու, իսկ երկրորդը` երկու:
Ըստ «Կիոդո» գործակալության տվյալների` ներկայումս երկրի բանտերում մահապատժի է սպասում 132 մարդ:
Ճապոնիայում սովորաբար մահապատժի են դատապարտվում մի քանի սպանություն գործած հանցագործները, մանրամասնում է Lenta.ru-ն:
