ԱՄՆ դատարանը պարտավորեցրել է Իրանին 44,6 մլն դոլարի փոխհատուցում վճարել 1983 թվականին Բեյրութում տեղի ունեցած ահաբեկչությունից տուժած երկու ամերիկացիներին:
Դատարանը վճռել է, որ Իրանի կառավարությունն ուղղակի առնչություն ունի Բեյրութի ահաբեկչության կազմակերպմանը եւ պարտավոր է հայցվորներ Ջեֆրի Փոլ Օ’Բրայենին եւ Դանիել Լեյն Հաֆնիին վճարել ավելի քան 44 մլն դոլար փոխհատուցում:
Միաժամանակ ԱՄՆ արդարադատության նախարարությունում նշում են, որ այդ գումարն ստանալը փաստացի անհնար է, հաղորդում է RBK-ն` վկայակոչելով Associated Press-ը:
Ահաբեկչությունը տեղի է ունեցել Լիբանանի մայրաքաղաք Բեյրութում` 1983 թվականի հոկտեմբերի 23-ին, ԱՄՆ ծովային հետեւակի բազայի անմիջապես կողքին: Ահաբեկչությանը զոհ էր գնացել 300 մարդ, որից 241-ը` ամերիկացի զինվորականներ:
