Թուրքիայի պաշտպանության նախարարության պաշտպանական արդյունաբերության բաժանմունքը (SSM) պատրաստել է 2012-2016թթ. պաշտպանական խոշորագույն նախագծերի ծրագիրը: Այդ ընթացքում Թուրքիան մտադիր է ազգային պաշտպանական արդյունաբերությունը դուրս բերել աշխարհի խոշորագույնների տասնյակ: 2016թ. զենքի արտահանումը պետք է կազմի 8 միլիարդ դոլար:
Այսպես, 2015թ. վերջին նախատեսվում է ավարտել թուրքական հիմնական` երրորդ սերնդի Altay մարտական տանկի մշակումը: 2016թ. կավարտվի թուրքական առաջին ականակրի կառուցումը:
2013թ. կավարտվի Atak հարվածային ուղղաթիռի նախագիծը, իսկ 2014թ.` Anka անօդաչու թռչող սարքինը, հաղորդում է Lenta.ru-ն:
Արդեն 2012թ. հուլիսին Թուրքիան կսկսի բանակի գրոհային Mehmetcik-1 հրացանների արտադրությունը, որը մշակված է գերմանական Heckler & Koch HK416-ի հիմքի վրա:
Ընդհանուր առմամբ, 2011թ.-ից SSM-ը պաշտպանական արդյունաբերության ոլորտում ներկայացրել է 280 տարբեր նախագծեր:
2011թ. ստորագրված պայմանագրերի ընդհանուր արժեքը հասնում է 27,3 միլիարդի: