Թուրքիայում ԱՄՆ դեսպան Ֆրենսիս Ռիկարդոնեն անդրադարձել է Սիրիայի հարցում ԱՄՆ-ի եւ Թուրքիայի դիրքորոշմանը։

Թուրքական CNNturk-ի փոխանցմամբ՝ ամերիկացի դեսպանը հայտարարել է, թե Սիրիայի դեմ ռազմական միջամտությունը ԱՄՆ-ի եւ Թուրքիայի համար ամենավերջին եւ ամենաանցանկալի տարբերակն է։ «Սիրիայի ընդդիմությանը զինելն էլ խնդրի լուծման տարբերակ չէ։ Այս խնդիրը պետք է լուծվի միջազգային իրավունքին համահունչ, դիվանագիտական ճանապարհներով»,-ասել է Ֆրենսիս Ռիկարդոնեն։