Ալժիրի իշխանությունները «թուլուզյան հրաձիգ» Մոհամեդ Մերայի հարազատներին թույլ չեն տվել նրան թաղել երկրի տարածքում:
Համաձայն պաշտոնական վարկածի` նման որոշումը կայացվել է անվտանգության նկատառումներով: Սուագու քաղաքի քաղաքապետը, որտեղ նախատեսում էին թաղել ահաբեկչին, հայտարարել է, որ դա շատ հակասական հարց է, եւ իրենք չեն ցանկանում, որպեսզի ինչ-որ մեկի մոտ տպավորություն ստեղծվի, թե Ալժիրում նահատակի են թաղում, հաղորդում է utro.ru-ն:
Փարիզյան մզկիթի ղեկավարի ներկայացուցիչ Աբդալահ Զեքրին հայտնել է, որ ընտանիքը իրեն է խնդրել 24 ժամվա ընթացքում կազմակերպել թաղումը` ֆրանսիական իշխանությունների համաձայնությամբ: Ըստ նրա` Մերայի մարմինը, հնարավոր է, կհանգչի Թուլուզի մահմեդական գերեզմանոցում:
Հիշեցնենք, որ նախօրեին հաղորդվել էր, որ Թուլուզի դատախազությունը ահաբեկիչ Մոհամեդ Մերայի ընտանիքին թույլ է տվել նրան թաղել Ալժիրում: Նախօեին նրա հարազատները դիմել էին Ալժիրի հյուպատոսություն մարմնի տեղափոխման թույլտվության համար: