News
Լրահոս
News
Շաբաթ
Հունվար 22
USD
482.12
EUR
546.68
RUB
6.3
Տեսնել լրահոսը

Հաջորդ ամիս Հարավային Կովկաս կայցելի պաշտոնական Երուսաղեմի առաջին դեմքերից մեկը, ինչը տվյալ տարածաշրջանում Իսրայելի  ակտիվացման եւս մեկ ապացույց կդառնա` հարուցելով Թուրքիայի եւ Իրանի հատուկ դժգոհությունը:

Ապրիլի 20-ին նախատեսված է Իսրայելի գերագույն ղեկավարության անդամներից մեկի այցը Հարավային Կովկաս:

Այս մասին IzRus պորտալին հաղորդել են Երուսաղեմի դիվանագիտական բարձրաստիճան պաշտոնյաները: Նրանց խոսքով` ընդունող կողմը խնդրել է նախապես չհրապարակել մանրամասն տեղեկատվություն:  Այդ իսկ պատճառով IzRus-ն առայժմ զերծ է մնում հարավկովկասյան տարածաշրջան այցի նպատակները հստակեցնելուց:

Նեթանյահուի պաշտոնավարման  սկզբից (2009) Իսրայելը դարձել է բավականին նշանակալի խաղացող այս տարածաշրջանում:

Դա պայմանավորված է հետխորհրդային տարածքում ինչպես Երուսաղեմի ընդհանուր ակտիվացմամբ, որտեղ հատուկ դերը պատկանում է Շիմոն Պերեսին եւ ԱԳՆ-ի ղեկավար Ավիգդոր Լիբերմանին, այնպես էլ Իրանի եւ Թուրքիայի հետ Իսրայելի աճող հակամարտությամբ: Հրեական պետության` տարածաշրջանի գործերին խառնված լինելը դրսեւորվում է  Ադրբեջանի հետ ռազմավարական մշտական հարաբերությունների աճով, 2011 թվականի դեկտեմբերից Վրաստանի հետ հարաբերությունների կարգավորմամբ, ինչպես նաեւ Հայաստանի հետ ոչ բարձրաձայն կապի պահպանման հետ: Դա առաջացնում է Իսրայելի հակառակորդների, առաջին հերթին` Իրանի, աճող հակազդեցությունը, որն արտահայտվում է Ադրբեջանի հետ նրա հարաբերությունների վատացմամբ եւ Հարավային Կովկասում իսրայելական օբյեկտների նկատմամբ մշտական ահաբեկչությունների փորձերի մեջ (վերջին նման փորձերը եղել են  հունվարին` Բաքվում, եւ փետրվարին` Թբիլիսիում):

Միայն վերջին կես տարվա ընթացքում տեղի են ունեցել մի շարք իրադարձություններ որոնք վկայում են Իսրայելի` հարավկովկասյան հանրապետությունների հետ աճող կապերի ամրապնդման մասին: 

Այդ ընթացքում Բաքու են  այցելել կապի նախարար Մոշե Կահլոնը, ենթակառույցների նախարար Ուզի Լանդաուն, ԱԳՆ-ի գլխավոր տնօրեն Ռաֆայել Բարաքը: Զուգահեռ տեղի են ունեցել նախագահ Իլհամ Ալիեւի բանակցությունները իսրայելական գործընկեր Շիմոն Պերեսի եւ գաղտնի ծառայությունների նախարար Դան Մերիդորի հետ: Իսկ Իսրայել է այցելել ադրբեջանական պատվիրակությունը տնտեսական զարգացման նախարար Շահին Մուսթաֆաեւի գլխավորությամբ: Այդ ընթացքում կողմերի միջեւ կնքվել է 1,6 միլիարդ դոլար արժողությամբ խոշոր ռազմական գործարք:

Այդ նույն ժամանակ Վրաստանում իսրայելացի գործարարներ Ռոնի Ֆուքսի եւ Զեւա Ֆրենքելի ազատումը հանդիսացել է երկկողմ հարաբերությունների կարգավորման ազդակ: Փետրվար-մարտին Իսրայել են այցելել ԱԳՆ-ի ղեկավար Գրիգոլ Վաշաձեն, տնտեսության նախարար Վերա Քոբալիան, խորհրդարանի նախագահ Դավիդ Բաքրաձեն, Համայն վրաց կաթողիկոս-պատրիարք Իլյա Երկրորդը: 

Այդ կես տարվա ընթացքում Իսրայել է այցելել Հայաստանի պետական պահպանության ծառայության ղեկավար Հրաչյա Հարությունյանը, իսկ Երեւանում  գտնվել է ԱԳՆ-ի կենտրոնական ապարատի աշխատակից Շմուել Մերոմը: Ապրիլից Armavia ընկերությունը թողարկում է ամենշաբաթյա երկու չվերթներ Երեւան - Թել Ավիվ ուղղությամբ:

!
Այս նյութը հասանելի է նաև   English and Русский
Տպել
Ամենաշատ
Ֆոտոռեպորտաժներ