Ուսումնամարզական Կամհուդ կենտրոնում սկսվել են Հայաստանում ռուսական ռազմակայանի ինժեներական ստորաբաժանումների ամենամսյա դաշտային պարապմունքներ: Այդ մասին հայտնում է Ռուսաստանի հարավային ռազմական շրջանի մամլո ծառայությունը:
Դաշտային պարապմունքներին մասնակցում են շուրջ 100 զինծառայողներ եւ օգտագործվում է 20 միավոր ինժեներական հատուկ տեխնիկա:
Դաշտային պարապմունքների ընթացքում զինծառայողները իրականացնում են ուսումնական առաջադրանքների մի ամբողջ համալիր`իրենց մասնագիտացմանը համարժեք, մասնավորապես սովորում են հայտնաբերել պայթյունավտանգ առարկաները եւ ականազերծել տեղանքը ռազմական գործողությունների տարբեր պայմաններում, ինչպես նաեւ կատարելագործում են իրենց գիտելիքներն ինժեներական տեխնիկայի սարքավորումների վերաբերյալ:
Բացի դրանից, հատուկ դաշտային հողափոր մեքենաների (ՊԶՄ-2) հաշվարկներն իրականացնում են խրամատների, հրամանատարական կետերի փորման նորմատիվներ: