News
Լրահոս
News
Շաբաթ
Հունվար 22
USD
482.12
EUR
546.68
RUB
6.3
Տեսնել լրահոսը

Հայաստանի Էներգետիկայի եւ բնական պաշարների նախարար Արմեն Մովսիսյանը եւ «ԻՆՏԵՐ ՌԱՕ ԵԷՍ» ԲԲԸ ընկերության վարչության նախագահի լիազոր ներկայացուցիչ Վադիմ Միտյուշինն այսօր` մարտի 29-ինԵրեւանում ստորագրեցին համաձայնագիր, որով վաղաժամ դադարեցվեց Հայկական ատոմային էլեկտրակայանի հավատարմագրային կառավարման պայմանագիրը: Այդ մասին NEWS.am-ին տեղեկացնում են ՀՀ էներգետիկայի եւ բնական պաշարների նախարարության մամլո ծառայությունից:

Ավելի վաղ ռուսական «Ինտերֆաքս» գործակալությունն էր տարածել հաղորդագրություն այն մասին, որ պայմանագիրը լուծարվել է պաշտոնապես:

Հիշեցնենք, որ մարտի 1-ին ՀՀ կառավարությունն իր նիստում լիազորեց ՀՀ էներգետիկայի եւ բնական պաշարների նախարարին` Հայաստանի հանրապետության անունից  լուծարել «Ինտեր ՌԱՕ ԵԷՍ» ընկերության հետ հավատարմագրային կառավարման պայմանագիրը:

Նշենք, որ Հայկական ատոմակայանը ռուսական «Ինտեր ՌԱՕ ԵԷՍ» ընկերությանը հավատարմագրային կառավարման է հանձնվել 2003 թ.` 5 տարի ժամկետով, իսկ 2008 թ. այդ ժամկետը երկարաձգվել է եւս 5 տարով` մինչեւ 2013 թ.: 2011 թ. հունիսին «Ինտեր ՌԱՕ ԵԷՍ»-ի նորանշանակ նախագահ Բորիս Կովալչուկը հայտարարեց, որ ցանկանում է Հայկական ատոմակայանի հետ կառավարման նոր պայմանագիր կնքել, իսկ այնուհետեւ հայտարարեց պայմանագիրը լուծարելու ցանկության մասին:

Այդ հայտարարություններից հետո ՀՀ էներգետիկայի եւ բնական պաշարների նախարար Ա. Մովսիսյանը հայտարարեց որ Հայաստանը ատոմակայանի հավատարմագրային կառավարման նոր պայմանագիր չի կնքի:

!
Այս նյութը հասանելի է նաև   English, Русский and Türkçe
Տպել
Ամենաշատ