LG ընկերությունն սկսել է ճկուն էկրանների արտադրության շարքը: Էկրանները պատկերը ցույց կտան էլեկտրոնային թանաքների (e-ink) տեխնոլոգիայով:
Ի տարբերություն ժամանակակից e-ink էկրանների մեծամասնության, LG-ի արտադրանքում կօգտագործվի ոչ թե ապակե, այլ պլաստիկ հիմք: Այն նման է բջջային հեռախոսների էկրանների պաշտպանական թաղանթին: Պլաստիկ էկրանները կլինեն ճկուն, ավելի բարակ եւ ավելի ամուր, քան ապակիները:
LG էկրանի անկյունագիծը կազմում է 6 մատնաչափ, իսկ թողունակությունը` 1024X768 փիքսել է: Այն երեք անգամ ավելի բարակ կլինի, քան e-ink ապակե էկրանները (նրա հաստությունը կլինի 0,7 մմ), եւ երկու անգամ ավելի թեթեւ (կկշռի 14 գ), հայտնում է lenta.ru-ն:
LG-ն էկրաններ կմատակարի Չինաստանի էլեկտրոնիկա արտադրողներին: Դրանք Եվրոպայում կհայտնվեն ապրիլի սկզբից: