Շվեդիայի պաշտպանության նախարար Սթեն Թոլգֆորսը հրաժարական է տվել բռնատիրական վարչակարգի հետ համագործակցության մեղադրանքի պատճառով: Հեռանալիս նա հայտարարել է, որ իր որոշմանը նպաստել են լրատվամիջոցները:
Սթեն Թոլգֆորսը ենթարկվել է լրագրողների քննադատությանը, երբ շվեդական հանրային ռադիոն հաղորդել է Սաուդյան Արաբիայում հակատանկային միջոցների նորացման եւ վերանորոգման գործարանի կառուցման համար ռազմական գերատեսչության բանակցությունների մասին:
Շվեդիայում պաշտոնապես արգելված չէ զենքի արտահանումը Սաուդյան Արաբիա, սակայն լրագրողները շեշտը դրել են այն բանի վրա, որ պաշտպանության նախարարությունը փորձել է խուսափել «զենքի հարցի» հանրային քննարկումից: Թոլգֆորսը հայտարարել է, որ գործարանի կառուցումը չի հակասում Սաուդյան Արաբիայի հետ ռազմական համագործակցության պայմանագրի դրույթներին, հայտնում է gazeta.ru-ն:
Սակայն խաղաղարարները, որոնք դեմ են Շվեդիայի կողմից զենքի արտահանմանը, իրենց դժգոհությունն են հայտնել «բռնապետական վարչակարգերի» հետ ռազմական համաձայնագրերի վերաբերյալ:
