Ամերիկյան դոլարի փոխարժեքն այսօր` մարտի 29-ին 2012 թ. առաջին անգամ գերազանցեց 1դոլար/391 դրամ հոգեբանական շեմը: «ՆԱՍԴԱՔՕԷՄԷՔՍ Արմենիա» բորսայում դոլարի միջին փոխարժեքը կազմել է 391.25 դրամ:
Հատկանշական է, որ բոլոր 11 գործարքներն իրականացվել են հենց այդ փոխարժեքով: Սակայն նստաշրջանի վերջում դոլարն առաջարկվել է 392 դրամով, թեեւ պահանջարկի փոխարժեքը նվազել է մինչեւ 390.75 դրամ:
Ընդհանուր առմամբ` բորսայում վաճառվել է 1 մլն դոլար: Առավել հավանական է, որ ԿԲ-ն չի միջամտել փոխարժեքին:
Կանխիկ արտարժույթի շուկայում դոլարի առքի փոխարժեքը բարձրացել է մինչեւ 390 դրամ, վաճառքը սկսում է 392 դրամից:
