News
Լրահոս
News
Ուրբաթ
Հունվար 21
USD
481.66
EUR
546.54
RUB
6.29
Տեսնել լրահոսը

Հայաստանի սփյուռքի նախարարության եւ Լիբանանում ՀՀ դեսպանության հովանավորությամբ, ինչպես նաեւ «Ծաղիկ» գրական ազգային շաբաթաթերթի մասնակցությամբ մարտի 28-ին Բեյրութի «Հակոբ Տեր Մելքոնյան» թատերասրահում  տեղի է ունեցել գրական երեկո՝ նվիրված Եղիշե Չարենցի 115-ամյակին: NEWS.am-ին ԱԳՆ-ից հայտնեցին, որ գրական երեկոն ուղեկցվել է Եղիշե Չարենցի «Երկիր Նաիրի» ստեղծագործության ընթերցմամբ, ասմունքող Անի Սարաֆյան-Եփրեմյանը արտասանել է «Ես իմ անուշ Հայաստանի» եւ «Սայաթ Նովա» բանաստեղծությունները, երիտասարդ երաժիշտները կատարել են  Սայաթ Նովայի, Կոմիտասի եւ Առնո Բաբաջանյանի ստեղծագործությունները:

Միջոցառման ավարտին Լիբանանում ՀՀ դեսպան Աշոտ Քոչարյանը կարեւորել է երեկոյի անցկացումը, ներկայացրել է մանրամասներ  ապրիլին Երեւանում նախատեսվող միջոցառումների մասին, որոնք նվիրված կլինեն  հայ գրատպության 500-ամյակին եւ Երեւանը՝ որպես 2012 թ. համաշխարհային գրքի մայրաքաղաք հռչակելու ծրագրին: Նա ընդգծել է, որ հայ գրականությունը, պոեզիան, հայ ընտանիքի, կրթօջախների եւ եկեղեցու հետ մեկտեղ հայկականության ոգու, հարուստ բարոյական, մշակութային, կրթական եւ գրական արժեքների պահպանման եւ ամրապնդման երաշխիքն ու հենասյունն է: Դեսպան Քոչարյանը   հրապարակել է Սփյուռքի նախարար Հրանուշ Հակոբյանի հրամանը Մշակույթի վաստակավոր գործիչ,  Նախագահ մրցանակի դափնեկիր Նորայր Ադալյանին ունեցած բազմամյա ստեղծագործական վաստակի համար  Սփյուռքի նախարարության «Վիլյամ Սարոյան» ոսկե մեդալով պարգեւատրելու մասին: Դեսպան Քոչարյանը տեղեկացրել է նաեւ Գրողների միության նախագահի որոշման մասին  միջոցառմանը ներկա հայտնի թատերագիր, գրականագետ, արվեստի վաստակավոր գործիչ Լեւոն Մութաֆյանին Հայասատանի գրողների միության ոսկե մեդալով պարգեւատրելու մասին:

!
Այս նյութը հասանելի է նաև   Русский and Türkçe
Տպել