Ադրբեջանում Ազգային անվտանգության նախարարության աշխատակիցները օրերս ձերբակալել են ընդդիմադիր Ժողովրդական ճակատ կուսակցության ղեկավար Ալի Քերեմլիի աներորդուն` Էլնուր Սեյիդովին: Այդ մասին հաղորդում է «Բիզիմյոլ» թերթը` նշելով, որ նա քաղաքականությամբ չի զբաղվում: Էլնուր Սեյիդովը երկար ժամանակ աշխատել է բանկային ոլորտում, մասնավորապես նա զբաղեցրել է փոխտնօրենի պաշտոնը «Տեխնիբանկ»-ի Յասամալի մասնաճյուղում:
Երեկ` մարտի 29-ին նրան մեղադրանք են ներկայացրել Ադրբեջանի հանրապետության ՔՕ 178.3.1 եւ 178.3.2 հոդվածներով` մեղադրելով անօրինական գործարքների իրականացման եւ քաղաքացիներից դրամաշորթություններ իրականացնելու մեջ:
