Հայկական շուկայում մարտի 29-ին հայտնաբերված չմակնշված ձուն եղել է ժամկետն անցած եւ Հայաստան է ներմուծվել «Աշոցք» ՍՊԸ-ի կողմից: Այս մասին NEWS.am-ը տեղեկանում է Գյուղատնտեսության նախարարության սննդամթերքի անվտանգության պետական ծառայությունից:
Այժմ Ծառայության կողմից աշխատանքներ են կատարվում ձվի ամբողջ խմբաքանակի հայտնաբերման և համապատասխան քայլեր իրականացնելու ուղղությամբ:
Ավելի վաղ NEWS.am-ը հայտնել էր, որ շուկայում հայտնաբերվել է չմակնշված ձվերի խմբաքանակ:
Գյուղատնտեսության նախարարության սննդամթերքի անվտանգության պետական ծառայությունը կոչով դիմել էր քաղաքացիներին՝ ցուցաբերել զգուշավորություն, իսկ նման խախտումների դեպքեր հայտնաբերելու դեպքում զանգահարել Ծառայության թեժ գծի հեռախոսահամարով (45-74-21):