Ադրբեջանը չի սովորել հարգել Լեռնային Ղարաբաղի ժողովրդի հիմնարար իրավունքները: Այս մասին NEWS.am-ի թղթակցի հետ զրույցում ասաց ԼՂՀ անվտանգության եւ արտաքին քաղաքականության հասարակական խորհրդի նախագահ Մասիս Մայիլյանը` մեկնաբանելով ԼՂՀ նախագահական ընտրությունների վերաբերյալ Ադրբեջանի արտգործնախարարության հայտարարությունը:
«Դա անհեթեթ հայտարարություն է: Սակայն հերթական անգամ հաստատում է, որ Ադրբեջանը պատրաստ չէ ընդունել ԼՂՀ ժողովրդի հիմնարար իրավունքները»,-ընդգծեց Մասիս Մայիլյանը` ավելացնելով, որ նման մոտեցում Բաքուն մշտապես է դրսեւորում:
Նշենք, որ Ադրբեջանի ԱԳՆ մամուլի խոսնակ Էլման Աբդուլաեւը ԼՂՀ-ում առաջիկա նախագահական ընտրությունների վերաբերյալ հայտարարությանն ի պատասխան` Երեւանին մեղադրել էր «միջազգային իրավունքի նկատմամբ անհարգալից վերաբերմունքի» համար:
