Նյու Յորքի դատախազները ռուս գործարար Վիկտոր Բուտի համար պահանջել են ցմահ բանտարկություն:
Անցյալ տարվա նոյեմբերին ատենակալները Բուտին մեղավոր էին ճանաչել մեղադրական բոլոր կետերով` ԱՄՆ-ի պաշտոնական ներկայացուցիչներին դավադրաբար սպանելու նպատակով, «Կոլումբիայի հեղափոխական զինված ուժեր» կոլումբիական խմբավորման հետ համագործակցության միջոցով հրթիռների ձեռքբերման եւ վաճառքի,ահաբեկչությանը սատարելու փորձի համար:
Ավելի վաղ Բուտի փաստաբան Ալբերտ Դայանը դատարանին խնդրել էր հրաժարվել ռուսաստանցու դեմ վճիռ կայացնելու որոշումից, քանի որ, ըստ նրա, Բուտը մեղավոր չէ առաջարկված մեղադրանքներից ոչ մեկում:
Ռուսաստանցու վճռի կայացումը նշանակված է ապրիլի 5-ին: 45-ամյա գործարարին սպառնում է 25 տարուց մինչեւ ցմահ ազատազրկում: Վիկտոր Բուտն իրեն մեղավոր չի ճանաչում, հայտնում է «Ռոսիսկայա գազետան»:
