Ֆիլիպինների ափերին զբոսանավը կանգ է առել մեքենայական բաժնում բռնկված հրդեհի պատճառով: Թիմին հաջողվել է մարել հրդեհը, բայց վնասվել են շարժիչները. Այժմ նավը կանգնած է մնացել Թուբոթահա խութից 75 ծովային մղոն (140 կմ) հարավ արեւմուտք ընկած հատվածում:
Ինչպես Ֆիլիպինների ափային պաշտպանության ներկայացուցչին հղում անելով հաղորդում է AP-ը, Azamara Quest զբոսանավում, որը Միլանից դուրս է եկել մարտի 29-ին, շուրջ հազար ուղեւոր եւ անձնակազմի անդամներ կան: Մարտի 30-ի երեկոյան նավից հրդեհի մասին հաղորդում է ստացվել, որն իսկույն մարվել է աշխատակիցների կողմից: Հաղորդվում է, որ հրդեհի արդյունքում թեթեւ վնասվածքներ է ստացել նավաստիներից մեկը, նավի ուղեւորները չեն տուժել, հաղորդում է «ՌԻԱ Նովոստին»:
Զբոսանավին օգնության են ուղարկվել ափային պաշտպանության երկու մոտորանավ, որոնք, ինչպես սպասվում է, Azamara Quest կհասնեն մարտի 31-ի երեկոյան:
