Թաիլանդում պայթյունների շարք է որոտացել: Նախնական տվյալներով` 4 մարդ զոհվել է, 40-ից ավելին մարմնական տարբեր աստիճանի վնասվածքներ են ստացել:
Ողբերգությունը տեղի է ունեցել մարտի 31-ի առավոտյան` Յալա քաղաքի գործարար կենտրոնում, որը համարվում է երկրի հարավում գտնվող համանուն շրջանի մայրաքաղաքը: Ընդհանուր թվով երեք պայթյուն է որոտացել. Ռումբերը թաքցված են եղել ավտոմեքենաներում:
Պաշտոնատար անձինք ահաբեկչության պատասխանատու են համարում պետության այդ տարածքում գործող անջատողական խմբավորումներին, հաղորդում է «Ռոսիյսկայա գազետան»:
