Mega Millions վիճակախաղի 02-04-23-38-46 թվերով տոմսերից մեկը վաճառվել է Մերիլենդ նահանգում: Գնորդի անունն առայժմ հայտնի չէ:
Նման եւս մի քանի տոմս կա, այդ պատճառով բացառված չէ, որ ամբողջ գումարը արդյունքում մասերի կբաժանեն: Երջանիկները նաեւ պետք է ընտրեն` ցանկանում են գումարը միանգամից վերցնել, թե ամենամյա փոխանցումներով:
Առաջին դեպքում շահումն էականորեն կնվազի հարկային գանձումներից հետո, հաղորդում է utro.ru-ն: Հիշեցնենք, ԱՄՆ-ում մարտի 31-ի գիշերը խաղարկվել է պատմության մեջ խոշորագույն ջեքփոթը` 640 միլիոն դոլար:
