Շվեյցարիայում տեղի ունեցած ճանապարհատրանսպորտային պատահարի հետաքննությումբ զբաղվողները հերքել են այն վարկածը, որ վթարը կարող էր տեղի ունենալ ուսուցչի` DVD-նվագարկիչով զբաղված լինելու արդյունքում: Հիշեցնենք, որ պատահարի արդյունքում զոհվել էին բելգիացի երեխաները:
Տեղական Le Soir թերթը գրում է, որ հարցաքննել են կենդանի մնացած յոթ երեխաներին, որոնք ասել են, թե այդ պահին ոչ ոք չի տեղաշարժվել ավտոբուսում:
Փոխադրամիջոցի ներսում կատարվածի պատկերի վերականգնումից պարզվել է, որ ավելի շուտ վարորդը չի կարողացել ինչ-ոչ բան անել DVD-նվագարկիչի հետ, որը նրա համար անհարմար դիրքում է եղել, հաղորդում է «Վզգլյադը»:
Վթարը տեղի էր ունեցել մարտի 14-ի գիշերը, որի արդյունքում զոհվել էր 22 երեխա եւ վեց մեծահասակ:
Հետաքննությունը վթարի երեք վարկած է դիտարկում` տեխնիկայի խափանում, վարորդի ինքնազգացողության հանկարծակի վատացում եւ սխալ կառավարում: Փորձաքննությունը ցույց է տվել, որ վարորդը եղել է սթափ եւ առողջ:
ԶԼՄ-ների տվյալներով, որոնք վկայակոչում են կենդանի մնացածներին, վթարից մի քանի վայրկյան առաջ վարորդը «DVD-ի հետ կապված ինչ-որ գործողություններ է կատարել»: