Բուլղարիայի վարչապետ Բոյկո Բորիսովը ապրիլի 1-ից 3-ը պաշտոնական այցով կայցելի Հայաստան եւ Վրաստան:
Այցը կկայանա Հայաստանի վարչապետ Տիգրան Սարգսյանի եւ նրա վրացի գործընկեր Նիկոլոզա Գիլաուրիի հրավերով, հաղորդում է բուլղարական Sofia News Agency գործակալությունը:
Բորիսովին կուղեկցեն տրանսպորտի, աշխատանքի նախարարը եւ արտաքին գործերի նախարարի տեղակալը:
Երեւանում Բուլղարիայի կառավարության ղեկավարը հանդիպումներ կունենա նախագահ Սերժ Սարգսյանի, վարչապետ Տիգրան Սարգսյանի, Խորհրդարանի խոսնակ Սամվել Նիկոյանի եւ Ամենայն հայոց կաթողիկոս Գարեգին Բ-ի հետ:
Կողմերը կրթության, աշխատանքի եւ սոցիալական հարցերի վերաբերյալ համաձայնագրեր կստորագրեն: