ԱՄՆ-ը Պարսից ծոցի երկրներին առաջարկում է ՀՀՊ համակարգ ստեղծել` Իրանից պաշտպանվելու համար: Նման առսաջարկություն է արել ԱՄՆ պետքարտուղար Հիլարի Քլինթոնը` մարտի 31 –ին Էլ Ռիյադում կայացած`ԱՄՆ եւ Ծոցի երկրների համագործակցության խորհրդի անվտանգության հարցերով նախարարական առաջին հանդիպման ժամանակ:
ԱՄՆ պետքարտուղարի խոսքով` իրենք պատրաստ են կոնկրետ քայլեր ձեռնարկել` ընդհանուր անվտանգության ամրապնդման համար, այդ թվում` համագործակցել ծովում եւ հակակրթիռային պաշտպանության ոլորտում, ինչպես նաեւ ճգնաժամային իրավիճակներում համակարգել գործողությունները:
ԱՄՆ-ը պատրաստ է նաեւ քննարկել ընդհանուր ռազմավարական խնդիրների լայն շրջանակ: Հանդիպման արդյունքներով` կոչ է արվել Սիրիայի հարցով ՄԱԿ-ի եւ ԱՊԼ-ի հատուկ բանագնացին հստակ ժամկետ սահմանել` Բաշար Ասադի կողմից նոր առաջրկները կատարելու եւ ընդդիմության նկատմամբ բռնութունը դադարեցնելու համար:
