Մեծ Բրիտանիայում ձերբակալել են մի մարդու, ով, ըստ բրիտանական MI5 հետախուզության, մահափորձ է նախապատրաստել չեչեն գրոհայինների նախկին գործակալ Ահմեդ Զակաեւի դեմ:
Ինչպես հաղորդել է Sunday Telegraph-ը, 45-ամյա ձերբակալվածը, որի անունը չի հաղորդվում, ներկայումս գտնվում է բանտում եւ սպասում է Մեծ Բրիտանիայից հնարավոր արտաքսմանը: Նա Միացյալ Թագավորություն է ժամանել 2003թ-ին` որպես Չեչնիայից փախստական, 2009թ-ին փորձել է բրիտանական հպատակություն ստանալ, սակայն չի հաջողվել:
Ինչպես հաղորդում է «ՌԻԱ Նովոստին», MI5-ում ենթադրում են, որ մահափորձի ետեւում կարող է կանգնած լինել Չեչնիայի ղեկավար Ռամզան Քադիրովը:
