Վենեսուելայի նախագահ Ուգո Չավեսն ապրիլի 1-ի գիշերը կրկին մեկնել է Կուբա` ավարտելու ճառագայթային բուժման երկրորդ փուլը: Հաղորդվում է, որ այս անգամ նրան ուղեկցում է ավագ դուստրը` Ռոսա Վիրհինիան: Չավեսը Կուբայում բուժում է ընդունում քաղցկեղի դեմ:
Ինչպես ավելի վաղ տեղեկացրել էր NEWS.am-ը, դեռ անցած աշնանը լուրեր էին շրջանառվում այն մասին, թե Չավեսին ընդամենը երկու տարվա կյանք է մնացել: Վենեսուելայում Չավեսի բուժմամբ զբաղված վիրաբույժ Սալվադոր Նավարետեն հայտարարել էր, թե նման ախտորոշմամբ հիվանդը չի կարող երկու տարուց ավելի ապրել: Միաժամանակ` 2011թ. հուլիսին Չավեսը հայտարարել էր, որ չնայած հիվանդությանը, մատադիր է 2012 թ. առաջադրվել: