Դանիայի Օրհուս քաղաքում մարտի 31-ին եվրոպական տարբեր երկրներից աջ արմատական կազմակերպությունների մոտ 200 կողմնակիցներ հանրահավաք են անցկացրել` բողոք հայտնելով Եվրոպայի իսլամացման դեմ:
Ինչպես հաղորդում է Associated Press-ը, ձախ հայացքների կողմնակիցները փորձել են տապալել ակցիան: Արդյունքում` երկու ուժերի միջեւ տեղի են ունեցել բախումներ, եւ ոստիկանությունն ավելի քան 80 մարդու ձերբակալել է:
«Եվրոպական համաժողով` ընդդեմ ջիհադի» կոչվող հակաիսլամական ակցիային մասնակցել են ակտիվիստներ Դանիայից, Մեծ Բրիտանիայից, Գերմանիայից, Շվեդիայից եւ Լեհաստանից:
