Քենիայի Մտվապա քաղաքից ոչ հեռու մարտի 31-ին ահաբեկչություն է իրականացվել, որի արդյունքում առնվազն 10 մարդ է վիրավորվել:
Ինչպես տեղեկացնում է SkyNews-ը, ահաբեկիչների թիրախը եղել է կրոնական հավաքը, սակայն չի հաղորդվում, թե որ դավանանքի: Գործի է դրվել ինքնաշեն պայթուցիկ սարք:
Նույն օրը երեկոյան տեղի է ունեցել երկրորդ պայթյունը, այս անգամ` առողջարանային հայտնի Մոմբասա քաղաքում: Նռնակը նետվել է ռեստորանի շենքի վրա, հաղորդում է Reuters-ը: Նախնական տվյալներով` տուժել է 5 մարդ: