Տյումենի շրջակայքում տեղի ունեցած ավիավթարից 17 մարդ փրկվել է: Այդ տվյալները «ՌԻԱ Նովոստիին» հաղորդել են որոնողափրկարարական աշխատանքները համակարգող օպերատիվ շտաբում:
Զոհերի թիվը եւս 17 է. Հոսպիտալացված տուժածներից մեկը մահացել է հիվանդանոցում: Նախնական տվյալներով` ինքնաթիռում 43 մարդ է գտնվել` 39 ուղեւոր եւ անձնակազմի չորս անդամներ: Բոլոր տուժածներին ուղղաթիռներով տարհանել են հիվանդանոցներ, նրանցից հինգը ծայրահեղ ծանր վիճակում են, նրանց վիրահատում են:
