Պակիստանում 13-ամյա տղան ինքնահրկիզվել է, քանի որ նոր դպրոցական համազգեստ չի ունեցել:
Ինչպես հաղորդում է «Ազատություն ռադիոկայանը», Քամրան Խանը իր վրա բենզին է լցրել եւ հրկիզվել, երբ մայրն ասել է, որ գումար չունի նոր համազգեստ գնելու համար:
Հաջորդ օրը տղան ստացված այրվածքներից մահացել է հիվանդանոցում:
Տեղական լրատվամիջոցների հաղորդմամբ, Խանը լավ աշակերտ է եղել եւ իրավունք է ստացել այցելելու մասնավոր դպրոց առանց վճարի: Ընտանիքի անդամների խոսքով, տղան շատ էր ամաչում, որ հարկադրված է դպրոց հաճախել մաշված համազգեստով: Նրա հայրը գործազուրկ է, իսկ մայրն աշխատում է որպես աղախին: