Ռուս հայտնի ռեժիսոր, պրոդյուսեր Թիմուր Բեքմամբեթովը իր ֆիլմում նկարահանվելու համար հրավիրել է երգիչ Դիմա Բիլանին:
Խորհրդային հայտնի «Հաջողության ջենթլմեններ» ֆիլմի նոր տարբերակում Բիլանը կմարմնավորի ինքն իրեն. հայտնի կատարող` ուժերի լիակատար ծաղկման շրջանում եւ երկրպագուհիների հսկայական բանակով, որոնք հերթ են կանգնում նրա ինքնագիրը ձեռք բերելու համար:
Բիլանը համաձայնել է ռեժիսորի առաջարկին` հայտարարելով, որ վաղուց է ցանկանում իրեն փորձել այլ բնագավառներում եւս, հաղորդում է MyJane-ը:
Հայտնի չե, թե ովքեր կմարմնավորեն ֆիլմի հայտնի երեք հերոսներին: Միայն հայտնի է, որ ֆիլմը վարձույթում կհայտնվի տարեվերջին:
Պրոդյուսերը, որը բավական հայտնի է նաեւ Ռուսաստանի սահմաններից դուրս, խորհրդային դասականներով տարվել է դեռեւս մի քանի տարի առաջ, երբ նկարահանեց «Ճակատագրի հեգնանքը. շարունակություն» ֆիլմը: Այն հավաքեց 55 միլիոն դոլար, հիշեցնում է NEWSmusic.ru-ն:
Ֆիլմը հանրությանը կներկայացվի տարեվերջին: Պրոդյուսերները վստահ են, որ «Հաջողության ջենթլմեններ-2»-ը ընտանեկան նոր կատակերգություն կդառնա: