«Մեծն հաջորդ» Կիմ Չեն Ընը թույլ աշակերտ է եղել եւ հաճախ է բաց թողել դասերը: ԿԺԴՀ ներկայիս առաջնորդի` Բեռնի միջազգային դպրոցում ուսանելու շրջանի մասին նման մանրամասներ է հրապարակել շվեյցարական Le Matin Dimanche պարբերականը:
Ըստ պարբերականի` ուսանելու առաջին տարվա ընթացքում Կիմ Չեն Ընը բաց է թողել 75 ուսումնական օր, իսկ երկրորդ տարվա ընթացքում` 105 օր: Դասընկերները հիշել են, որ նա հաճախ դասի էր գալիս արդեն ճաշից հետո:
Ապագա առաջնորդն ուսման մեջ հաջողություններով առանձնապես աչքի չի ընկել. մասնավորապես բնագիտությունից նա ստացել է 3,5 բալ` 6 հնարավորից: Մաթեմատիկան, մշակութաբանությունը, հասարակագիտությունն ու անգլերենը նա հանձնել է «չորսի»:
Ավելի լավ նա իրեն դրսեւորել է երաժշտության եւ տեխնիկական գիտությունների մեջ` ստանելով «գերազանց»:
Բացի այդ, գերմաների վատ իմացության պատճառով, նա սովորել է իրենից երկու տարի փոքրերի հետ: Դպրոցում նրան անվանել են Ըն Պակ:
Նշենք, որ Կիմ Չեն Ընը երկիրի ղեկավարումն ստանձնել է 2011թ վերջին` հոր մահից հետո: